Sandıq istifadəçilərə elektron çeklərin saxlanılması, ƏDV geri al prosesinin rahatlaşdırılması, qiymətlərin müqayisəsi və müxtəlif stimullaşdırıcı imkanlardan (bonuslar, lotereyalar və s.) faydalanmaq üçün yaradılmış mobil tətbiqdir.
Bu Məxfilik Siyasəti Sandıq tərəfindən hansı məlumatların toplandığını, həmin məlumatlardan hansı məqsədlərlə istifadə edildiyini və onların necə qorunduğunu izah edir.
Sandıq tətbiqindən istifadə etməklə istifadəçi bu Məxfilik Siyasətini qəbul etmiş sayılır.
Hesabın yaradılması və istifadəçi ilə əlaqənin təmin edilməsi məqsədilə aşağıdakı məlumatlar toplanıla bilər:
Bu məlumatlar yalnız Sandıq xidmətlərinin düzgün və təhlükəsiz şəkildə təqdim edilməsi üçün istifadə olunur.
İstifadəçi tərəfindən tətbiqə yüklənən çeklər üzrə aşağıdakı məlumatlar emal oluna bilər:
Bu məlumatlar qiymətlərin monitorinqi və müqayisəsi, istifadəçilərə sərfəli təkliflərin göstərilməsi, lotereya və stimullaşdırıcı kampaniyaların idarə edilməsi məqsədləri ilə istifadə olunur.
Sandıq fərdi istifadəçi alış məlumatlarını üçüncü tərəflərlə paylaşmır. Brendlər və tərəfdaşlarla yalnız anonim və aqreqasiya edilmiş statistik məlumatlar bölüşülür.
İstifadəçi öz istəyi ilə Birbank üzərindən ƏDV geri al hesabını Sandıq tətbiqinə qoşa bilər.
Sandıq bank hesabı və ya kart məlumatlarını saxlamır, maliyyə köçürmələrini həyata keçirmir, yalnız istifadəçi üçün prosesi texniki baxımdan rahatlaşdıran platforma rolunu oynayır.
ƏDV geri al ödənişləri müvafiq bank və dövlət sistemləri tərəfindən icra olunur.
İstifadəçi istənilən loyallıq və bonus kartını tətbiqə öz təşəbbüsü ilə əlavə edə bilər.
Sandıq bu kartlarla texniki və maliyyə inteqrasiyası həyata keçirmir, kartları yalnız rəqəmsal “wallet” formatında göstərir, bonusların hesablanması və ya istifadə şərtlərinə görə məsuliyyət daşımır. İstisna olaraq, Sandıq yalnız öz platforması və rəsmi tərəfdaş brendlər tərəfindən təqdim edilən kartlara görə məsuliyyət daşıyır.
Tətbiqin stabil və təhlükəsiz işləməsi üçün aşağıdakı texniki məlumatlar toplanıla bilər:
Bu məlumatlar istifadəçinin şəxsiyyətini müəyyən etmək üçün deyil, yalnız sistemin təkmilləşdirilməsi məqsədi ilə istifadə olunur.
Toplanmış məlumatlar aşağıdakı məqsədlərlə istifadə edilir:
Sandıq şəxsi məlumatları istifadəçinin razılığı olmadan üçüncü tərəflərə satmır və ötürmür, tərəfdaşlarla yalnız şəxsi məlumat ehtiva etməyən statistik məlumatlar paylaşır.
Məlumatlar yalnız qanunvericiliyin tələbi ilə açıqlana bilər.
Sandıq məlumatların qorunması üçün müasir texniki və təşkilati təhlükəsizlik tədbirləri tətbiq edir. Bununla belə, internet üzərindən ötürülən məlumatlar üçün tam təhlükəsizlik zəmanəti verilmir.
İstifadəçi öz məlumatları ilə bağlı məlumat əldə etmək, düzəliş və ya silinmə tələb etmək, emala etiraz etmək hüquqlarına malikdir.
Bu Məxfilik Siyasəti zaman-zaman yenilənə bilər. Dəyişikliklər barədə istifadəçilərə məlumat veriləcəkdir.